آیت اللہ العظمی خامنہ ای

شہید سلیمانی مزاحمتی محاذ کا ایک بین الاقوامی چہرہ ہیں، سبھی دوست اور سبھی دشمن یہ سمجھ لیں کہ مزاحمت و استقامت کی راہ مزید مستحکم عزم و حوصلے کے ساتھ جاری و ساری رہے گی اور یقینی طور پر کامیابی اس مبارک راہ میں گامزن رہنے والوں کے قدم چومے گی۔

ان کے چلے جانے سے بلطف و اذن خدا ان کا مشن رکنے اور تعطل کا شکار ہونے والا نہیں ہے۔ سخت انتقام ان مجرموں کے انتظار میں ہے جنہوں نے اپنے ناپاک ہاتھوں کو ان کے اور گزشتہ شب شہید ہونے والوں کے خون سے رنگین کیا ہے۔

وہ مکتب اسلام اور مکتب خمینی میں پروان چڑھنے والوں میں ایک نمایاں چہرہ تھے جنہوں نے اپنی تمام تر عمر راہ خدا میں جہاد کرتے ہوئے گزاری۔

دنیا کے شیطانوں اور شرپسندوں کے مقابلے میں برسوں کی مخلصانہ اور شجاعانہ جد و جہد اور راہ خدا میں شہید ہونے کی ان کی آرزو رنگ لائی اور عزیز سلیمانی کو یہ بلند و بالا مقام حاصل ہوا۔ ان کا خون بشریت کے بد بخت ترین افراد کے ہاتھوں زمین پر بہایا گیا۔

اگر اسلامی جمہوریہ کسی ملک کا مقابلہ اور مخالفت کرنے کا فیصلہ کر لیتی ہے تو آشکارا طور پر اس کا اعلان کرتی ہے۔ ہم ملکی مفادات اور ملت ایران کی عزت و پیشرفت و عظمت کے پابند ہیں۔ جو بھی ان چیزوں کے لئے خطرہ پیدا کرے گا ہم بلا تامل اس کا مقابلہ کریں گے اور اپنی ضرب لگائیں گے۔

آپ امریکیوں نے عراق اور افغانستان میں جرائم انجام دئے، انسانوں کو قتل کیا۔ عراق، شام اور افغانستان کے عوام امریکیوں سے نفرت کرتے ہیں اور یہ نفرت وقتا فوقتا ظاہر ہوتی ہے۔ علاقے میں امریکہ جو سیاسی و سیکورٹی ریشہ دوانیاں کر رہا ہے اس کا نتیجہ یہی نفرت ہے۔

دوسرے یہ کہ امریکی منطقی انداز میں سوچیں مگر وہ ایسا نہیں کر رہے ہیں۔ عراق کے عوام امریکیوں سے متنفر ہیں۔ امریکی یہ بات سمجھتے کیوں نہیں؟!

آپ غور کیجئے کہ بغداد سمیت پورے عراق میں امریکیوں کے خلاف جذبات کس قدر برانگیختہ ہیں؟! وہ شخص ٹوئیٹ کرتا ہے کہ سب ایران کا قصور ہے! پہلی بات تو یہ کہ آپ بکواس کر رہے ہیں! ایران سے کوئی مطلب نہیں ہے۔https://twitter.com/realDonaldTrump/status/1212121026072592384 …

ایران میں سب سے زیادہ رضاکار فورس بسیج کو سامراج کی دشمنی کا سامنا ہے۔یہ صرف ایران ہی نہیں بلکہ عراق میں الحشد الشعبی، لبنان میں حزب اللہ یا دیگر جگہوں پر جہاں بھی بسیج جیسا جذبہ رکھنے والے عوام اور نوجوان موجود ہیں، ان سے بھی سامراج کو اتنی ہی دشمنی ہے۔

تسلط پسند نظام نے یہ ٹھان رکھی ہے کہ وہ اپنی تمام تر خباثتوں کے ساتھ اسلامی جمہوریہ کا مقابلہ کرے گا،جو کچھ اُس کے بس میں تھا وہ اس نے کیا۔اس وقت اسلامی جمہوریہ کی شکل میں ایک شجرۂ طیبہ کا نتیجہ دنیا کے سامنے ہے جو دشمن کے مقابلے استقامت کے سبب روز بروز مستحکم ہوتا جا رہا ہے۔

امریکہ باضابطہ طور پر دیگر ممالک کی خود مختاری کی توہین کرتا ہے۔ شام میں مشرقی فرات کے علاقے میں دراندازی کرتا ہے اور کہتا ہے کہ ہم یہاں تیل کے لئے آئے ہیں…عراق جیسے ملک میں بغیر اجازت کے دراندازی کرتا ہے اور اسکی حکومت کو نظر انداز کرتے ہوئے اپنی فوجی چھاؤنیوں میں چلا جاتا ہے۔

تسلط پسند نظام بنیادی طور پر انصاف پسندی اور آزادی کے خلاف ہے۔انصاف پسندی کے خلاف اس لئے کہ امریکہ جیسے مالدار ممالک میں بھی سڑکوں پر جینے والے لوگ بھوک کے سبب جان دے بیٹھتے ہیں اور آزادی کے خلاف اس لئے کہ وہ کسی قوم کی آزادی کے ایک اہم ترین مصداق یعنی اسکی خودمختاری کے خلاف ہے۔

ایران کے وہ اصل دشمن جو اپنے سیاسی مانیٹروں کے سامنے بیٹھ کر دور سے حالات پر نظر رکھے ہوئے ہیں،وہ اچھی جانتے ہیں کہ ایرانی عوام کے اس اقدام کا کیا مطلب ہے، ایرانی عوام نے ایک کرارا جواب دے کر انہیں پسپا ہونے پر مجبور کر دیا۔

یہ ایک بڑی وسیع اور خطرناک سازش تھی جس کے لئے دشمن نے بڑا پیسہ خرچ کیا تاکہ وہ ملک میں توڑ پھوڑ، آتش زدگی اور حتیٰ قتل کے واقعات رقم کر سکے،دشمن کا خیال تھا کہ موقع غنیمت ہے اور وہ ان حالات میں اپنے لشکر کو میدان میں اتار سکتا ہے۔ مگر اس سازش کو ایرانی عوام نے ناکام بنا دیا۔

اب سعودیوں کو چاہئے کہ اس دشمنی کو سمجھیں اور یہ سمجھیں کہ اس طرح کی دشمنی کے جواب میں ایک عزت دار انسان کا کیا فریضہ ہوتا ہے؟ اس طرح کی توہین پر اسلامی غیرت و وقار اور عرب حمیت کا کیا تقاضا ہوتا ہے؟ وہ اپنا فریضہ سمجھیں!

بے شک اسلامی جمہوریہ سے ان کی دشمنی زیادہ شدید ہے، تاہم وہ سعودیوں کے بھی خلاف ہیں۔ یہ جو آشکارا کہتے ہیں کہ سعودیوں کے پاس پیسے کے علاوہ کچھ نہیں! یہ دشمنی نہیں ہے؟ یعنی پیسہ ہے تو ہم انھیں لوٹیں! اس سے زیادہ دشمنی اور کیا ہو سکتی ہے؟

اسلامی وحدت کے کچھ دشمن ہیں جن میں سر فہرست امریکی اور صیہونی حکومتیں ہیں۔ امریکہ صرف اسلامی جمہوریہ کا دشمن نہیں، وہ پوری دنیائے اسلام کا دشمن ہے۔ وہ فلسطین، مغربی ایشیا کی اقوام کا دشمن ہے۔ دشمنی کی اصلی وجہ اسلامی تشخص ہے۔ وہ اسلامی فکر اور مفاہیم کا دشمن ہے۔