Papa FranciscusVerified account

Cras peculiaris dies precis et meditationis pro Libano habebitur. Omnes adhortor ut, in spiritu nobis coniuncti, oretis ut Libanus e gravi quo laborat discrimine relevetur et vultum suum pacis ac spei denuo ostendat.

Benedictus Papa LXX abhinc annos presbyter ordinatus est. Tibi, Benedicte, pater dilecte et frater, dilectio, gratus animus et proximitas nostra. Gratias tibi agimus propter testimonium tuum credibile et propter oculos tuos iugiter ad ea quae Dei sunt conversos.

Petrus et Paulus non verbo, sed opere crediderunt. Petrus locutus non est de missione, fuit autem piscator hominum; Paulus eruditos non scripsit libros, sed epistulas vita refertas, dum peragrabat et testimonium praebebat.

In media historia Petri et Pauli non stat eorum peritia, sed occursus cum Christo, qui eorum vitam immutavit. Experti sunt amorem, qui eos sanavit et liberavit, quapropter facti sunt aliis apostoli et ministri liberatiionis.

Intercedentibus #SanctisPetroetPaulo a Domino petamus, ut eius auxilio gratiae divinae aperiamur atque aspicere, perpendere et agere valeamus veritati libertatique innisi, quae ex occursu cum Christo oriuntur.

Si dociles erimus caritati, Spiritus Sanctus, caritas Dei creativa quae discordia concordat, vias renovatae fraternitatis aperiet.

Hodierno Die pro Pace in Oriente, omnes adhortamur ut misericordiam Dei et pacem super illam terram imploretis, ubi Christi fides orta est et, neglectis acerbitatibus, superest.

Hodie, prope sollemnitatem Ss. Petri et Pauli, quaesumus ut pro Papa oretis. Orate ex singulari corde: Papa precibus vestris eget.

Soror, frater, sine Iesum conspicere et sanare cor tuum. Quod si conspectum eius misericordem in te iam es expertus, imitare eum, eadem eiusdem age. Blanditias affer sauciatis corde, quos cotidie nancisceris. #EvangeliumHodiernum (Mc 5, 21-43)

Caritas super vestigia Christi experta, in sollicitudine et misericordia aliorum, summum fastigium fidei nostrae est ac spei nostrae.

Cor pulsans christifidelis est caritas: uti vivere nequimus sine pulsu, sic christifideles esse nequimus absente caritate.

Sollemnitatem in Nativitate #SanctiIoannisBaptistae hodie celebramus. Humile testimonium imitemur illius qui Agnus Dei demonstravit.

Iter a sancto Paulo in Epistola ad Galatas demonstratum via est mitis oboedientisque fiduciae, firmae fidei innisae Spiritum Sanctum omni Ecclesiae aetate operari.

Avia dilecta, ave dilecte, Domini proximitas etiam fragilissimos ex nobis corroborabit, ut novum iter aggrediamur per semitas somnii, memoriae et precis. #DiesAvorumEtSenium

Et cum omnia obscura videntur, uti his mensibus pestilentiae, perseverat Dominus angelos mittere, qui solitudinem nostram solantur dictitantes: «Tecum sum omnibus diebus». #TecumSumSemper

Christus vivit et vult unumquemque vestrum vivere. Ipse vera huius mundi pulchritudo est et flos aetatis. Quidquid Ipse tangit revirescit, renovatur, vita et significatione repletur.

Profugis cor nostrum aperiamus, maerores eorum atque gaudia suscipiamus, de accipiamus ab eorum strenua vi obices superandi! Omnes ita simul humaniorem alemus communitatem, unam magnam familiam.

Cum Episcopis de Myanmar supplices poscimus, ut fauces concedantur ad hominibus subveniendum et ecclesiae, monasteria, meschitae, templa, scholae ac valetudinaria uti asyla neutrius partis vereantur. Christi cor corda omnium attingat pacem afferens ad Myanmar.