Marouane A. Lamharzi

هادشي بلا ما نشوفو المساواة في الإرث بين الرجل والمرأة ، لي إذا جبدتيها كتولي كافر زنديق باغي تحارب الإسلام والمسلمين، وتحيد شرع الله، شرع الله لي ما كايعرفوه حتى كيتقاس الجيب و الفلوس، وفي هديك الحالة كايسدو باب الإجتهاد في الدين.

وربما كون قالها عمر بن الخطاب براسو لي كان وقف إقامة حد السارق في عام المجاعة وحيد نصيب المؤلفة قلوبهم وخا هادشي كاين في نصوص صريحة، كون اتهموه بالكفر، حيث كلشي إلا تقول ليه أن ختو تاخد بحالو في الورث

وبلا ما نساو أن أغلب المغاربة وأغلب السياسيين، كايقولو بوجه قاسح لأي بنت تم اغتصابها وحملات ، وخا تكون قاصر عندها 10 سنين أو تم اغتصبها من طرف واحد من عائلتها كالأب ديالها أو أخوها ، أنها ما تقدرش دير الإجهاض.

وأن هدوك مجموعة الخلايا لي مازال ما يمكنش نسميوهم إنسان أهم من حياتها وأنها خاص تعيش و تربي هداك الطفل نتيجة الإغتصاب بوحدها في مجتمع ما غاديش يرحمها.