Farbash

اللي يعتقد ان الفلوس المكتسبة بالطرق الحرام يستانسون فيها اصحابها اقسم لكم بالله انهم مو مستانسين ولا متنهنين. اللي عنده دينار بحسابة بالحلال عايش افضل من الشخص اللي عنده ١٠٠ مليون بالحرام بالف مره. شفتها بعيوني من شخص الله يستر عليه ولا يبلينا ولا ايي اليوم اللي ناخذ مال حرام.

نحارب التطبيع و نهاجم الكيان الصهيوني بكل الوسائل الاعلامية المتاحة لنا لغدرهم ومكرهم على مر السنين فقد واثقوا الرسول ص وعاهدوه ثم خانوا العهود وتحالفوا مع أعدائه القرشيين. ويتكرر المشهد بالمكر والخيانة بمدعين الاسلام قولاً! وبالواقع هم لايختلفون عن اليهود سوى بألقابهم واسمائهم

محد يقبل ان يتكلم عن اعراض الناس الااشباه الرجال اللي عنده شي مع احد يوجه له الكلام مباشرة. اما اللي يدخل الام والخوات والابو والبنات ماهم الا عديمين الرجولة. مهما اختلفنا مع اي انسان كان،تبقى اعراض الناس خط احمر.بل بالعكس راح ندافع في سبيل حفظ اعراض الناس حتى وان كان عدو

ما ادري الناس ليش زعلانه من الخيانه؟ من ايام الرسول صلى الله عليه وعلى آله موجوده الخيانات في الغزوات وعلى مر التاريخ بسبب المال او ملذات الدنيا. ما اشوف شي ينزعل ابدا. ترى هالناس اختارهم الشعب بحسن نيه محد يعلم شنو داخل كل انسان. لحد يضيق خلقه، وإن غداً لناظره قريب.

عسى الله لايحط احد في هالأمتحان. من يومين قاعد امشي لقيت ثلاث دنانير طايحين خليتهم مكانهم ومشيت اكيد صاحبها راح يرجع لها. لو لاقي خاتم قيمته مليون هل راح اخليه؟ إن النفس لاماره بالسوء وكل انسان وضميره. بس شنو حدود ضمير الانسان ١٠٠ دك او مليون اوعشر ملايين! الله يبعدنا عن الحرام

اللي خان القسم وخان وطنه ودينه، شنو احساسه الحين وقت ما يروح البيت ويقعد مع عياله و اهله!! شنو احساسه و اهو يصرف عليهم حرام بحرام واي شي يشتريه يستخدمه او ياكله او يلبسه حرام. شنو هالعيشه اللي الله بلاه فيها من الصبح لين ينام كلها حرام. اللهم اكفني بحلالك عن حرامك.

غريب امرهم والله. يعني يخافون من الناس وما يخافون من الله؟ يَعْلَمُ مَا فِى ٱلسَّمَٰوَٰتِ وَٱلْأَرْضِ وَيَعْلَمُ مَا تُسِرُّونَ وَمَا تُعْلِنُونَ ۚ وَٱللَّهُ عَلِيمٌۢ بِذَاتِ ٱلصُّدُورِ شنو اوضح من هالكلمات الشريفه؟ سواء صوتوا علني او سري الله سبحانه وتعالى فوقكم. واللقاء قريب

هذا واحنا مسلمين ونؤمن بان وعد الله حق وفِي جنة ونار وعذاب قبر ويقسمون و بعضهم يخون قسمة. شخلينا حق كفار قريش؟؟

جهاز قياس نبضات القلب بكل كرسي من نواب مجلس الامة مطلوبه فوراً

والله العظيم ان انزعجنا! منو الرئيس !؟ ما ادري ليش هالموضوع شاغل الجميع اذا في ٤٢نائب معارض. الرئيس دوره يرتب الجلسات ويديرها بناء على تصويت الاغلبية. مهما كان اسم الرئيس يبقى النواب اهم اساس التشريع والمراقبه. كل هالضجه مالها معنى ولا طعم. النواب يملكون اطاحة الحكومة بأكملها

النواب الكرام، شكرا لتنازلكم عن الامتيازات، بس هذا ماهو طموحنا ابدا! ترى اقصاهم الف دك بالشهر. في مليارات راحت و الحرامية يمشون بينا ومحد قادر يصيدهم او يحاسبهم. تكفون خلوا عنكم الاف دينار هذا حق لكم. نبي حق الشعب ترجعونه لخزينه الدولة واحتياطي الاجيال.

الانشطة اللي مسيطرين عليها الاجانب بالكويت :- ١- النجارة ٢- الخدمات بأنواعها 3-الكهرباء ٤-سوق السمك ٥-الصيد البحري ٦-المقاولات ٧-السمسره ٨-الكراجات ٩-الاسواق الشعبية ١٠- صياغة الذهب ١١-سوق الجمعة ١٢-محلات التلفونات ١٣-الشركات الغذايبة ١٤-محلات النظارات ١٥-الفواكه و الخضار

انا بالشركة عندي ١٥٠٠ موظف، مسكنهم في بناية وحاط عليهم سكيورتي، بدخلتهم نفتشهم و بطلعتهم نفتشهم. واحد منهم صادوه الشرطة يبيع مخدرات هل انا مسؤول عنه؟ اذا داخل بيوت بعض العوائل ما يقدرون يسيطرون على عيالهم هالمره موظفين؟ مقارنه غير عادله

ادري ان الغش و النصب والاحتيال ماله جنسية ولكن اغلب اللي قاعدين نشوفهم يغشون ببيع اللحوم الفاسدة و اللي ياخذون تكورمون من الزباله و يحطونه للناس و ادويه منتهيه ويتم تبديل تواريخها واللسته طويله اهم الاجانب ترى مو الكويتيين. ناس مو هامهم احد المهم يبيع و يربح وارواح الناس بالطقاق

ثبتوا على الكلام اللي بقوله يحاولون يشوهون صورة الكويتي بكل الطرق بأن ما يشتغل ويتشرط. اتصل علي شخص اعرفه عنده ظروف، قالي ابي اشتري سيارة نص لوري وابي اوصل طلبات. ما ابي امد ايدي او اطلب احد. ابي اشتغل اي شي اييب لي مدخول إضافي. الكويتيين مستعدين كل شي يشتغلون والله

اللي يقول الارزاق بيد الله ليش متحامل على الاجانب؟ طبعا الله سبحانة وتعالى يرزق من يشاء بغير حساب. ولكن الاجانب يتحايلون على القانون بمساعدة بعض الكويتيين مع الاسف ويحاربون الشباب الكويتي بكل الطرق. مستولين على التجارة بطرق ملتويه اذن العمل ٤٠٠ دك و يدخل له ٥٠ الف شلون؟؟؟