🌺 مُّوٌسٓيٓ |​​  🌺

حلو الصاحب اللي بتحس معاه بالراحه، اللي ممكن تقوله اي حاجة في اي وقت، اللي ممكن تحكيلوا حاجات متتحكيش و تبقي متاكد ان الكلام مش هيطلع بره !

أنا شخص عاطفي لأبعد الحدود، يعني أقل حاجة بتحصل حواليا حتى لو متخصنيش بتأثر فيا وكأنها حصلتلي أنا، بهتم بالتفاصيل وبفكر في كل كبيره وصغيره بطريقه تخليني دايمًا مش مرتاح ولا مبسوط، وأوقات العاطفة دي بحسها ميزة عشان بتخليني أحس باللي قُدامي كويس، لكن غير كده بتتعبني حرفياً ..

مُقرف اوى حوار ان حد يعاملك معامله اقل من الى انت تستحقها وبعدين يرجع يستغرب انت بعدت ليه، مينفعش ياجماعه تبقو انتو السبب فى اى حاجه خلتنا نبعد وبعدين ترجعو تستغربو، مينفعش تبقى بتعاملنى بمزاجك وكل وقت معامله شكل وترجعو تقولو اتغيرنا،احنا متغيرناش بس مش دى المُعامله الى نستحقها

الكلام الحلو بيفرق جداً قادر يغير نفسيتك من شخص مكتئب لشخص مبهج ، بيفتح النفس ويخلي أفكارك إيجابية جداً، سيب أثرك في الناس ولو بكلمة حِلوة وهتتفاجئ بشعور السَّعادة من غير سبب، هتبقي مبسوط لوحدك من غير أي موقف حصلك علشان ربنا هيجبُر بخاطرك بسبب أثرك إللي سيبته في قلب كل شخص..

محدش يعرف انت بتمر ب ايه ولا بتطنش ازاي ولا كام مره حد خذلك ولا كام موقف خلاك تتحول للي انت فيه دلوقتي والاهم محدش عارف انت ممكن تبقى عامل ازاي لو خسرت الامل الأخير اللي مخليك بتواجه اي حاجه صعبه عشانه هما فاكرين انك سعيد ويابختك بيعرفوا يحسدوا ويتكلموا وهما مايعرفوش حاجه

إختاروا صح ياجماعه ،إختاروا ناس تدوم، متختاروش حد عشان حلو وشكله قدام الناس ، كله هيبقى سراب فِ يوم ، الروح ال هتدوم ، إختاروا ال مش هيجي يوم وتملوا منه ، ال لما عيوبك تظهر قدامه يفضل متمسك بيك وميعيركش بيها ، تعبك من تعبُه ، يسندك وقت عجزك ، اختاروا ناس يبقوا ليكم دُنيا وحياه

الذوق والرد المحترم وجبر الخواطر مالهاش علاقه بإنك بتحب الشخص اللي قدامك أو لا ، دي بتعكس وبتبين تربيتك والبيئه اللي انت جاي منها وبس

تفرق جدآ مين سايبك حد ماتهدي ومين معاك لحد ماتهدي مين سألك مالك عشان خايف عليك ومين عاوز يعرف مالك عشان فضول مين فضل لحد ماخرجك من ال انت فيه وطمنك ومين قالك مالك وقالك معلش مين معاك مهما وقعت مين سابك لما وقعت ومين يستحملك في عصبيتك وفاهمك ومش بياخد موقف منك ويزعل والله بتفرق

أسوأ شخص ممكن تكون في علاقة معاه النوع اللي ملوش عزيز، القلاب، يوم يحبك ويخليك تحس أنك احسن شخص في الدنيا، ويوم تاني تشك فعلاً فيه إذا كان بيحبك ولالا، كل مشاعره دي كانت صادقة ولا كدب.. يخليك تحس أنك لو وقعت هيكون هو أول واحد يسيبك..

أنا مختارتش أكون لوحدي من فراغ، أنا لما وقعت في كذا ضيقه ومشكله وتعب وكنت في أشد إحتياجي لحد جنبي وملقتش حتي أقرب الناس ليا موجودين، كلامكم بقي بتاع إحنا جنبك ومبتحكيش ليه ومعرفش ايه، أنا إختارت أبقي لوحدي عشان لقيت إن وجودكم زي عدمه، زي كلامكم دلوقتي.

إحنا مش شبه بعض؛ قوة تحملنا مش متساوية، اللي أنت بتقدر تعديه، غيرك بيحسه هم تقيل، بيكمل وهو موجوع وشايله تقل على روحه.. فلو مش قادر تفهم؛ متلومش على حزن وتعب أنت مش قادر تستوعب أسبابه.

انا شخصيتي ثابته مبتتغيرش والله بس اسلوبي بيعتمد عليك...

اتصالحوا يا جماعه وارجعو اتكلموا واسالوا ع بعض وصفوا قلوبكم وانسوا اللي فات احنا مش هنعيش ع طول ومحدش عارف مين هيموت قبل مين كفاية قسوة ع بعض والله الدنيا مش مستاهلة وكلنا بنغلط وبنتعلم من غلطنا وفي الاخر كل حاجة بتعدي وهنروح وهيفضل مننا الذكري الحلوة