Inamullah Miakhil

تر څو د ویزو وېش پروس په ښه شان مخته لاړه شي چې د ولایتي ادارې ځنې مهمې ګټورې طرحې یې هم رد کړي دي. دا ځل مدني بنسټونو او ولایتي ادارې بهترینه طرحه جوړه کړه، مګر په عملي کولو کې یې د ولس رول هم خوا مهم دی چې هغسې همکاري نه کوي او ډېری خلک چې اړتیا هم ونلري ؛نو د پاکستان ویزو

لپاره قطارونو ته رامنډې وهي. راځئ که ناروغان یئ په خپل ډاکټر او روغتون باور وکړو، نه مو ډاکټر ولاکه کمزوری وي نه هم روغتونونه خدماتو کې دومره کمزوري دي لکه مونږ یې چې وایو. څه فکر کوئ دا زرګونه کسان چې ساعتونه ساعتونه ولاړ دي دا ټول ناروغان دي؟ نه، نه دي او ډېر یې هغه کسان دي چې

د پاکستان په دالو شخوند وهي. بل اته میاشتې ننګرهار کې د پاکستان ویزو پروسه بنده وه ؛نو فکر وکړئ چې اوس به د ویزو غوښتونکو تعداد څومره لوړ شوی وي؟ یوازې ننګرهار نه بلکې د شرقي زون سربېره د سویل ختیځ زون ولایتونو د ویزو ورکړه هم ننګرهار کې ترسره کېږي چې دا د کار یو بل حجم دی. ځنې

خلک دې حالت کې خپلې عُقدې پالي، د دې پر ځای چې د سیستم اصلاح لپاره غږ پورته کړي برعکس پروسه نوره هم تخریبوي. د ننګرهار والي ضیاءالحق امرخېل شخصاً ما خپله څو ځل وکوت چې د ویزو پروسې نظم، فساد مخنیوي او د ښه خدماتو په وړاندې کولو کې یې خورا جدي لارښوونې اړونده مسوولینو ته وکړې. دا

ستونزه له تېرو څلورو کالونو راهیسې پېل شوې، د ښو طرحو عملي کولو مخنیوي لپاره د ویزو کمېشنکاران، فاسدین او د پاکستان قونسلګرۍ فعالیت کوي چې دا پروسه جنجالي کړي او دوی پکې مردارې ګټې وکړي. راځئ چې نظم خپله راوړو، بې ضرورته پاکستان ته له تګ څخه ډډه وکړو او که دلته مو درملنه کېږي

؛نو په خپلو تکړه وطني ډاکټرانو باور وکړو. تر څو به د پاکستان ویزې لپاره ذلیله کېږي، په خدای قسم همدا پاکستانیان په لوی لاس دا پروسه تخریبوي او د امکان تر حده غواړي افغانان ځانته ذلیله وساتي. خدای تعالی دې نن هغه خویندې او میندې وبخښي چې د ګڼې ګوڼې له کبله شهیدانې شوې. کورنیو ته

یې صبر جمیل او خدای تعالی مو دې د پاکستان له احتیاجه خلاص کړي. آمین!!